Kulilimaniswa swalelele kwa muzamaisi wa Bukalo

 

Katima Mulilo

Yomuhulu wa toloponyana ya Bukalo ya lilimanisizwe swalelele famusebezi Labutanu, utalusa kuli, lilimaniso yahae haisikaotoloha hande kalibaka lakuli hakusikalatelelwa zeo neliswanela kuezahala.

Limbo uamuhezi liňolo lakulilimaniswa famusebezi swalelele Labutanu kufulalela ofisi yahae, sina katengo kakamaiso ya tolopo hakana nisepo yakuli unanimafosisa kacwalo uswanela kulilimaniswa. “Katengo ka kamaiso ya Bukalo kana ni sepo yakuli unani nimafosisa, ni mulatu wa bufokoli bwakusaba mwamayemo ao muňolo yomuhulu wa tolopo uswanela kuba teni kaona, kacwalo u lilimanisizwe fa musebezi kubula nzila yalipatisiso”, kikamo liňolo lakulilimaniswa libaleha teni. Liňolo hape litoloka kuli, Limbo ulilimanisizwe cwalo inze afumana tuwelo yahae yetezi mi hasikalumelwa kuhata liutu nihainyani kwa muyaho wa katengo kafo nasebeza teni kapa kuikambota nimubeleki ufi ni ufi wa katengo katoloponyana. Na elelizwe kuli haswaneli kusiya tolopo kusina tumelelano yakueza cwalo ki batolopo.

“Hausika zwiswa musebezi mi uswanela kuba mwasikiliti sa Zambezi kafo ukona kufumanwa nako yalihola zamusebezi. U kona feela kufulalela sikiliti sa Zambezi kakulumelelwa kueza cwalo kaliňolo ki katengo katoloponyana ya Bukalo,” kikamo liňolo lizwelapili kutaluseza. Limbo utalusa kuli lilimaniso yahae swalelele fa musebezi haiyo hande: “Hakuna tumelelano kuzwelela kuba katengo kuamana ni zona, kuzwa fateni hakuna pizo ya kubiza mukopano yeswanela kufiwa mwa lihola ze 72 kakuya ka mulao wa katengo. Kuzwa fateni nekusina toho ya taba ni kuli kaufela bona babupi bakatengo nebasikanyatela liňolo, kakuli kulilimanisa muňolo wa katengo katolopo kuswanela kuba ni tumelelano mwahali kumina kaufela. Kono ze kaufela ki likezo za Siyauya,” kwa talusa Limbo.
Kakuya kubaba liteleze kuzwelela mwahali kazakulilimaniswa swalelele kwa Limbo bali kinto yenelibelezwi kalibaka lakuli nesekusina hande tumelelano hala hae ni bakamaiso ya katengo. Mafosisa atatekile likwelinyana zefelile Limbo hahasanya liňusa famazimumwangala anangehile kuba asaluluti sa mushobo. Mulilo wa lubya utilotumbuka sunda yefelile nako yeo Limbo hanatatuluzi kuli utaba ni mulalelo wa nyangela kubata pene ya kuitukiseza kuba ni liponiso za lipisinisi zelelezwi kuba teni silimo sesitaha, kono kusina tumelelano kuzwelela kwa kamaiso ya katengo katoloponyana.

Habuziwa kufa maikuto, muinasipula wa kamaiso ya katengo katoloponyana ya Bukalo Charles Siyauya u ize, hatabeli kuiponda kuambola za libaka lalilimaniso swalelele ya mutompehi Limbo. Nihakulicwalo, unitifalize lilimaniso swalelele nikuli kukabe kubizizwe bahatisi bamakande biki ye kutonitifaza za lilimaniso swalelele ya muňoli wa toloponyana ni mabaka atisize cwalo.

Read full story on New Era Newspaper Namibia