Lasarus shaduka taligava mwene kovaporosi

 

Konyima tupu zosiruwo apa gaduka, konyara nomvhura ne(4) Lasarus Shaduka ngesi kaligeve nye mwene komberewa zaNamibia zakara moOndjiva, kombindakano zosirongo saAngola nguranura zomomandaha go 14 November 2016. Momazuva 13 December ngano tagwanesa nye nomvhura ne mokuduka mpanguro zendi. Age kwadukire paapa gamwene asi egano lyendi lyokuturamo ehundiro pangenderera, ngano vahamupa nomvhura 20, morwa kudipaga mukadendi Selma Mirjam Ya Leopold Shaimemanya, kapi yamutompokere.

Shaduka age makura yipo gadukire kupitira pomurudi gwaNamibia naOshikango,konyima tupu dno vili ntatu omu mpanguro zatokwere asi kapi vana kutambura ehundiro lyendi moWindhoek, momazuva 13 December 2012, omu vamutokwerere asi age mudipagi. Mukurona govaporosi Ntoni Sebastian Ndeitunga, kayinkondopekere asi Shaduka yousili ana moneka mwene komberewa zetu zakara moAngola. ‘’Ame ngesi kuvhura nitante asi Shaduka ana moneka nayina, omu ana ligava mwene povili 11: 00, mbudi ezi kuna yasiki kwange konyara vili zo 12:00. Ndeitunga katente asi mukarelipo gwetu ngesi kuna kuwapayika yipapira noyihepwa nayinye kumwe nepangero lyaAngola nelilyaNamibia yipo Shaduka vamutume atenguire oku gawapera.” “ Nsene navamana nye nayinye oyo hawe age Shaduka, tayasiki nye mwawo kumwe nokuyamutamba veta zinamutamba, zokuduka mosirongo pwahana asi paveta, kuhendauka veta ntani edipago nayinye oyo gahepa nye kuyayitamekerako.

Ndeitunga kuna hara asi Shaduka ngano ayasike ngesi nye kapi tayihoroka morwa kogeli malikwamo ava kwama mokukwama noveta dovantu wokufana ngoso. Yilye nani mwene ogu Selma Shaimemanya? Shaimemanya, kwakere kamutjangi gwaministera gwanare govakwayita Charles Namoloh siruwo oso gadogorokere. Age kwafire kosikutji vamuroyere konyima monsigo, esi garoyere Shaduka makwedi 14 mononkwara dawo pembo lyawo lyomoKlein Windhoek, mwa Pembagona 2008. Valikwali ava kwakara namunawo gomukadi siruwo oso vadogorokere ozina age makwedi 9. Mosiruwo sokumupuragera kwayimwene asi vantu ava nare vagusa kukara monomutangu. Ozina vana kufa Shaimemanya, Patemoshela Helana Haitembu, gonomvhura 64, kapandwire Karunga asi Shaduka ana moneka, omu ana ligava mwene. “ Nsene nawiza hawe age gahhepa kupura egusiropo ntani gahepa kutanta usili asi yinke gadipangerere Selma. Ose kuvhura tumugusirepo morwa kapi tuna hara azumbane. Kahepa hena kutekura munwendi. Ngesi age nomvhura muyu, kwahura kumona guhwe paapa vahorekere zina. Nampili popo vamupwagesere modorongo age kapi gakere nosinka sokukatara munwendi, yimo ana kutanta Haitembu momukunda Ongha. Oguhwe va Shaimemanya Lee, kavagwedereko asi nsene asi usili ana moneka veta zahepa nye kuruganako Yuma.

Read full story on New Era Newspaper Namibia

Leave a Reply

Your email address will not be published.